Универзитетот „Св.Климент Охридски“-Битола соопшти дека успешно е реализиран првиот уписен рок за студенти бруцоши во новата академска 2014/2015 година, и притоа се евидентирани вкупно 1.307 кандаидати за сите високообразовни институции на овој Универзитет.
Универзитетот „Св.Климент Охридски“-Битола огласи 3.665 слободни места за упис на три категории студенти, односно 2.155 во државна квота, 970 во квотата за кофинансирање и 540 слободни места за вонредни студенти, а за прв пат се вршеше упис и на новиот Факултет за информатички и комуникациски технологии.
– Во првиот рок уписен рок се евидентирани 1.307 кандидати или околу 36 отсто од вкупниот број слободни места. Споредено со минатата година, интересот за упис во првиот уписен рок е идентичен, ние сме задоволни и е во рамките на очекуваното. Во вториот уписен рок кој ќе се организира на 1 и 2 септември места за студирање има на сите високообразовни институции, изјави проректорот за настава Сашо Атанасоски.
Во новата академска година Универзитетот „Св.Климент Охридски“-Битола продолжува со проектот на Владата на Република Македонија „30/35“ за стекнување на високо образование за возрасни и оваа дополнителна можност ќе се остварува со 70 слободни места, на две универзитетски единици, односно на Техничкиот факултет и Високата медицинска школа.