По дојавите за поставени бомби утрово во две училишта, МВР добило пријава за бомби во уште две училишта. Учениците се евакуирани од сите четири училишта и се прават антитерористички проверки.
„Денеска во СВР Скопје околу 09.30 часот е пријавено дека на електронските адреси на две средни училишта во Скопје е упатена закана за поставена експлозивна направа. Oколу 10 часот е добиена иста пријава од уште две средни училишта. Веднаш по добиените пријави, од полициски службеници се преземени мерки за безбедно евакуирање на сите четири училишта. Во тек се антитерористички проверки и се преземаат мерки за расчистување на случајот“, соопшти МВР.
Ова е трета недела со дојави за бомби во средни училишта во Скопје. Сите досегашни дојави МВР утврди дека беа лажни.