Управниот суд ја одби како неоснована тужбата на Живко Митревски со која бара судот да донесе решение за времена мерка против решението на Министерството за труд и социјална политика, односно решение со кое би му се забранило на лицето Дарко Димовски да го застапува како Претседател Сојузот на синдикати на Македонија се до правосилно завршување на управниот спор.
Според Управниот суд, Министерството за труд и социјална политика со оспореното решение не го повредил законот на штета на тужителот согласно член 37 став 1 од Законот за управни спорови во кој се вели дека законитоста на оспорениот управен акт, судот ја испитува во границите на барањето од тужбата, но при тоа не е врзан со причините на тужбата и согласно член 124 став 1 алинеја 1 и 3 од Законот за општа управна постапка во кој се вели дека за ништовен се огласува управниот акт кој во управната постапка е донесено во работа од судска надлежност, или во работа за која воопшто не може да се решава во управната постапка и чие извршување воопшто не е можно.
-Од посебниот предлог тужителот бара Управниот суд да донесе решение за времена мерка со кое се забранува лицето Дарко Димовски да се претставува и да го застапува сојузот на синдикатите на Македонија како Претседател на истиот до правосилно завршување на управниот спор. Судот најде дека нема услови за определување на времена мерка во смисла на член 15 став 1 во врска со член 14 став 2 од Законот за управните спорови, па одлучи дека тужбата е неоснована, се вели во пресудата на Управниот суд.
Тужителот има рок од 15 дена да поднесе жалба против оваа пресуда на Управниот суд.
Виктор Јованов