Управниот суд ги одби сите тужби од Левица

Од:

Управниот суд ги одби и последните 23 тужби од Левица, откако претходно денеска истото го стори и со останатите 78 тужби од ова партија, информираат од Судот. Со оваа одлука Управниот суд ги потврди одлуките од Државната изборна комисија и ги одби сите 101 тужба од Левица.

Тужбите на Левица поднесени до Управниот суд се разгледуваа на повеќе јавни расправи закажани во текот на денешниот ден.

Освен по тужбите од Левица, денеска Управниот суд има закажано јавни расправи и по тужбите од Социјалдемократската унија, МОРО – Работничка партија и Демократи, чии одлуки ќе бидат јавно соопштени по завршување на расправите.

Тужби имаат поднесено и ВМРО-ДПМНЕ и Коалицијата „Обнова на Македонија“ – две и Единствена Македонија и Коалицијата „Никогаш Северна само Македонија” – една, за кои Управниот суд закажи јавни седници за утре.

Претходно денеска од Управниот суд информираа дека тужбите поднесени од Интерга, Алијанса за Албанците и Алтернатива и едно физичко лице, се одбиваат како неосновани и се потврдуваат решенијата на Државната изборна комисија.

– Заклучно со 22.07.2020 година, донесени се вкупно 77 одлуки од кои, 75 одлуки по тужби поднесени од тужителот Алијанса за Албанците и Алтернатива, една одлука по тужба поднесена од тужителот Интегра Македонска Конзервативна Партија, како и една одлука по тужба поднесена од тужителот Живка Арсовска и по истите донесени се пресуди со кои тужбите на тужителите се одбиваат како неосновани и решенијата на Државната изборна комисија се потврдуваат, информира Управниот суд.

Би можело да ве интересира

МВР ги демантира тврдењата на Левица за испитниот центар во Битола

Левица: Пелагонија пет месеци без испитен центар за Тошковски да го намести милионскиот бизнис на сопартиец

Левица: Повторно кадар на ДУИ именуван за заменик-директор на АНБ, овој пат од Владата на ДПМНЕ

Левица: Кафе бар во сопственост на заменик-министерка од Вреди доби 9.000 евра од Општина Чаир

А1он

Движење ЗНАМ за Наша Македонија: Дезориентираната Левица продолжува со лаги и клевети

Владата не мрда со прст ниту за кочанската болница која е неопремена, реагираат од Левица