Управата за финансиска полиција извршила проверки во вкупно 75 правни субјекти за технички преглед

Од:

Поради постоење на основи на сомневање за сторено кривично дело „проневера во служба“, Управата за финансиска полиција во периодот од март до август годинава извршила проверки во вкупно 75 правни субјекти, регистрирани за вршење дејност „технички преглед на секаков тип моторни возила“, кои средствата наплатени по основ на комунална, еколошка и патна такса, не ги уплаќале на сметка на државните институции, организации и здруженија, информираше денеска директорот на Управата за финансиска полиција, Арафат Муареми.

dobivaj vesti na viber

Од извршените проверки и контроли констатирано е дека одговорните лица, во правните субјекти за вршење технички преглед, не ги уплаќале законските обврски за наплата во име и на сметка на државните институции, организации и здруженија, по основ на комунална, еколошка и патна такса, надоместок за Црвен крст, како и надоместок кон Буџетот на државата.

– Средствата тие ги задржале на сметките и во корист на правните субјкети, преку кои ја обавуваат дејноста. Износот на паричните средства, кои од страна на правните субјекти за технички преглед, биле наплатени од правните и физички субјекти при регистрација на моторни возила, воопшто не е уплатен на сметка на соодветните државни институции, со што била предизвикана вкупна штета на буџетот на овие институции и организации во износ од над 189 милиони денари, изјави Муареми.

Техничките прегледи, појасни тој, покрај фактот што во име на други државни институции, организации и здруженија од физички и правни лица ги наплатиле, тие средствата наместо да ги уплатат на сметка на државни институции, ги задржале на своите сметки.

– По извршената интервенција од Управата за финаниска полиција, голем дел од правните субјекти за технички преглед извршиле уплата на паричните средства во вкупен износ од над 85 милиони денари на буџетски сметки на Република Северна Македонија, а исто така, за дел од неуплатените парични средства во висина од 14,9 милиони денари склучени се договори за плаќање на рати, изјави Муареми.

Би можело да ве интересира

Аднан Џаферовски можен нов директор на Финансиска полиција: Немам разговарано за таа работа, би ја прифатил функцијата

Кристијан Ландов

Финансиската полиција поднесе кривична пријава против обвинителите кои беа дел од претресот минатиот месец

Катерина Павлова-Николовска

Финансиска полиција го враќа ударот: Поднесена претставка до Јовески против Русковска, претресот бил неоснован

Маја Илиевска-Пачемска

Тивка војна меѓу Обвинителството и финансиската полиција: Русковска ја претресла архивската книга на Управата

Маја Илиевска-Пачемска

Обвинителството прави претреси во Финансиската полиција, директорот Муареми со исклучени телефони

Кристијан Ландов

Кривична против експретседателот на ДИК Оливер Деркоски за набавката на софтверите

Ана Ололовска