Универзална сала ќе добие нов лик

Од:

Универзаланата сала комплетно ќе се реконструира, а Владата од буџетот за таа намена веќе издвоила 400 милиони денари.

Според владиниот портпарол Александар Ѓорѓиев новиот објект ќе ги задоволи модерните стандарди за работење и престој на вработените, изведувачите и посетителите.

„Објектот генерално ќе го задржи надворешниот изглед заради зачувување на автентичноста. Ќе се изведе реконструкција и засилување на постојната челична и бетонска конструкција, а ќе биде изграден од најсовремени енергетско ефикасни материјали“, тврди Ѓорѓиев.

Целосно ќе се реновира внатрешноста на Универзална сала со најсовремена аудио и видео опрема која ќе овозможува одржување на секаков вид настани. Во проектот е зацртана и изградба на повеќенаменска сала со капацитет од 1.500 места, но и на нова помала сала со капацитет од 100 места. Ќе биде изграден и подземен паркинг на две нивоа на потегот под платото кое води кон булеварот.

Се предвидува конечниот нов лик Универзалната сала да го добие една гоина и пол по почетокот на работите кои се најавуваат за од следната година.

Би можело да ве интересира

Шукова ја објави својата кандидатура за градоначалничка на Скопје

Пожар во центарот на Скопје, седум лица побарале медицинска помош

Земјотрес во Косово, почувствуван во Скопје

„Водовод“: Можни се појави на намален притисок и прекини на водоснабдувањето во одредени делови на Скопје

48-годишен маж пронајден мртов во стан во Скопје

Пет пожари се активни на територијата на Град Скопје