Во касарната „Гоце Делчев“ во Скопје денеска ќе пристигне помошта што ја испрати Унгарија за настраданите во поплавите во Скопско, преку Механизмот за цивилна заштита на ЕУ.
Дирекцијата за заштита и спасување соопшти дека на примопредавањето на донацијата ќе присуствуваат амбасадорот на Унгарија во Македонија, како и претставници на македонската Влада.
Има најави за пристигнување на донациите и од Австрија, Словачка и Бугарија. Со овие донации се зголемува бројот на држави кои донираат помош за поплавените региони во Македонија преку Механизмот за цивилна заштита на Европската унија, информираат од ДЗС.