Министерството за здравство (МЗ) денеска на официјалната Facebook страница – ИнфоЗдравје им препорача на граѓаните умерено да конзумираат храна и алкохолни пијалоци за време на првомајските празници, со цел избегнување појава на здравствени потешкотии.
Воедно, ги потсети дека возењето во алкохолизирана состојба е забрането и опасно по животот на возачите, нивните сопатници, а претставува потенцијална опасност и за сите останати учесници во сообраќајот.
Апелира на совесно и одговорно однесување со кое ќе се овозможи пријатно и мирно одбележување на празникот.