Населбите 11 Октомври, Кисела Вода, Рампа , Припор и Сопиште половина час се без струја. Од ЕВН велат дека се работи за два последователни дефекта и се работи на нивно отстранување.
„Во Припор и Сопиште имало испад на далновод, веќе е поправен дефектот, а во Кисела Вода, Рампа, 11 Октомври има скинат проводник. Наши екипи се веќе на терен, се прави замена и наскоро корисниците ќе добијат струја“, вели Атанас Ковачевски, портпарол на ЕВН за „А1он“.
Неофицијално кабелот го скинале екипи на јавното претпријатие „Улици и патишта“ кои изведувале градежни работи во Кисела Вода.
Маја Илиевска Пачемска
