Несекојдневен настан се случи во петокот навечер во скопскиот Младински културен центар, кога при крајот на синоќешниот перформанс е откриено дека исчезнал една од изложените фотографии на авторот Димитар Апостолов, јавува Макфакс.
Станува збор за изложбата со наслов „Афтер” на кој беа изложени петнаесетина фотографии од Димитар Апостолов.
Како што изјавил авторот за Макфакс, изложената фотографија без наслов со поексплицитна содржина од останатите, била изложена во близина на тоалетот, бидејќи тоа одговарало на содржината на самата снимка, додека другите фотографии биле изложени во фоајето на МКЦ.
Исчезнувањето на фотографијата било забележано многу доцна, рече Апостолов, за да може да се реагира.
Отворањето на изложбата којашто ќе може да се види до 14-ти април, инаку, во петокто навечер беше проследено со музички перформанс на македонските музичари, Сашко Костов, Игор Стојановски, Сецко Сеад Хаџиќ и диџеј сет на Теа Шалдева.