Забраната за сообраќај на тешки товарни возила на патниот правец Дебар – Струга е укината, соопшти АМСМ.
Сообраќајот на сите останати државни патишта во Македонија се одвива во зимски услови, наместа со остатоци од снег по коловозите. Поради ниските температури на повисоките места можна е појава на голомразица.
Се препорачува исклучително внимателно возење на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, каде е можна почеста појава на одрони.
Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата.