Укината е забраната за движење на тешки товарни возила на патниот правец Крак-Маврово-Дебар.
На другите магистрални и регионални патни правци сообраќајот се одвива непречено, по наместа влажни коловози.
Управата за хидрометеролошки работи информира дека досега најмногу снег има паднато во Маврови Анови (69 сантиметри), Лазарополе (27 сантиметри) и Крушево (20 сантиметри).
Од утре се очекува стабилизирање на времето. Ќе биде сончево со локална облачност и утринска температура од -5 до 0 степени. Дневната температура ќе се движи од 4 до 10 степени. Во Скопје слично време со минимална температура до -3 и дневна околу 8 степени.
Од четврток поради серија влажни бранови ќе има повремени дождови, но температурата ќе биде во пораст.