Од ноќеска нашето подрачје ќе потпадне под влијание на циклонска активност и на серија од влажни бранови од запад, поради што ќе настапи значителна промена на времето, информира управата за хидрометеролошки работи.
„Денес во вечерашните и ноќните часови ќе има врнежи од дожд, со грмежи, претежно во западните и северните делови.
Утре и во среда ќе биде претежно облачно и свежо со врнежи од дожд, проследени со ретки грмежи. Пголеми количини на воден талог ќе има во западните и јужните делови на земјата, каде се очекува да наврнат над 50 литри на метар кубен. Повремено ќе дува умерен до засилен ветер, претежно во северен правец. Температурата значително ќе опадне и во среда ќе биде најниска, во интервал од 16 до 22 степени.
И во скопската котлина ќе има почести врнежи од дожд, повремено интензивни и пад на температурата за околу 10 степени“, велат од УХМР.
Од УХМР препорачуваат внимателност при појава на електрични празнења. Велат да не се престојува на отворено и под осамени дрвја, како и да се преземат соодветни активности за заштита од поплави.