Министерството за надворешни работи соопшти дека испратило реакција до УЕФА на чиј официјален сајт при претставувањето на Македонија покрај името ФФМ, за претседателот Муамед Сејдини и генералниот секретар Филип Поповски е запишано дека по националност се Северномакедонци.
– МНР постојано води сметка за точната употреба на името на државата, државјанството и етничката припадност на граѓаните на Македонија. Како што сме реагирале соодветно до сите меѓународни медиуми, етнитети итн., кои погрешно употребиле било кој од наведените термини, така реагиравме и до УЕФА, барајќи коректна употреба на овие термини, согласно Уставот и личната карта на земјата во Обединетите Нации, велат од Министерството за надворешни работи.