Утрово со огнено оружје-пиштол убиен е скопјанецот Џемајледин М.(1987).
Во точно неутврдено време денеска во Скопје, на улица „Александар Урдаревски“, на локалниот пат кој ги поврзува населбата Бутел и село Мирковци, засега непознатиот сторител, како што информира МВР, испукал повеќе куршуми кон Џемајледин М. во пределот на главата и горниот дел од телото.
Телото на Џемајледин го забележала Е.С.(1986) од село Брњарци-Скопје, која го пријавила настанот. Увид на лице место е извршен од истрашен судија, заменик јавен обвинител и екипа од СВР-Скопје.
По наредба на истражен судија, над телото на починатиот ќе биде извршена обдукција.
Од местото на настанот подигнати се траги слични на крв, еден куршум, шест чаури од испукани куршуми, три проектили и еден фрагмент од проектил од испукани куршуми.
СВР-Скопје превзема мерки за пронаоѓање на сторителот.