Уапсените од Грчец и Гази Баба биле следени и слушани цела година, постоел страв дека акцијата ќе биде пробиена

Од:

Се слушале телефони, се следеле осомничени и цела година се собирале докази, ова обвинителката Вилма Русковска го изјави за акцијата спроведена во Грчец и Гази Баба. Таа кажа дека засега меѓу осомничените за нелегална трговија со дрога, нема полициски службеници. Но, дополнително ќе се вештачат телефоните и доколку се најде таква комуникација, бројот на лица кои ќе се гонат ќе се зголемува.

„Приведените се наоѓаат во повеќе полициски станици, но колку што сум информирана по одредени лица се уште се трага. Имаме докази. Не сакавме пред акцијата да спроведеме финансиска истрага. Се плашевме да не ни се пробие целата акција, но од понеделник ќе почне и финансиска истрага“, изјави Русковска.

Таа нагласи, дека некаде се уште траат претресите. Досега се пронајдени и одземени дрога, автомобили и пари, во повеќе објекти каде претресите се завршени. Уапсените ќе бидат предадени на Обвинителството за гонење на организиран криминал и корупција, по што, ќе бидат спроведени во Кривичниот суд. Неофицијално, ќе се бараат и притвори за дел од осомничените.

Во акцијата беа вклучени специјалните единици на МВР, а станува збор за сузбивање на поголема група на луѓе кои се теретат за сериозен криминал меѓу кои нелегално тргување со дрога. Со оглед дека акцијата и натаму трае, детали за истата се најавуваат по нејзиното завршување.

Би можело да ве интересира

МВР на поклон доби 23 мотоцикли „Piggio“ и комплетна опрема за возачите

МВР ќе ги информира граѓаните за новите правила при патување во ЕУ за да нема застои на премините

Шкотска е престолнина на смртта во Европа седма година по ред – синтетичките дроги уништуваат сè

А1он

МВР уапси три лица барани со потерници за издржување затворски казни

(ВИДЕО) Објавена е снимка од американскиот напад врз венецуелски брод кој превезува дрога, загинаа 11 лица

Истрага за дилер од Гевгелија, кај него се најдени 100 најлонски зипер ќесички наркотична дрога