Тројца малолетници се уапсени во Велес откако полицијата ги пронашла во автомобил. Кога ги виделе полицајците децата фрлиле низ прозорецот пакување со марихана.
„ На 30.05.2024 во 22.20 часот на место викано „Прилепски пат“ во Велес, полициски службеници од СВР Велес лишиле од слобода тројца малолетници од Велес. Тие биле затекнати во патничко возило и откако ги забележале полициските службеници од возилото фрлиле марихуана која била пронајдена до возилото и одземена. “ , велат од МВР.
Малолетниците биле приведени во полициска станица, известен бил јавен обвинител и Центарот за социјални работи и по документирање на настанот против нив ќе биде поднесен соодветен поднесок.