Се повеќе луѓе се јавуваат во медиумите и бараат да се објави дека се апсени жители на Скопје кои воопшто не биле на протест, само се нашле на погрешно место во погрешно време.
-Мојот брат веќе 14 часа е притворен во полициска станица во Автокоманда заедно со уште 20 лица кои ноќеска беа насилно приведени и покрај тоа што дел од нив не ни биле на протестот, туку се нашле на погрешно место во погрешно време, вели скопјнака која сакаше да остане анонимна.
Скоро сите се претепани, прегладнети и оставени на столици да спијат, без никакви информации и без објаснување зошто се таму.
Никој не им кажува зошто се држени и покрај тоа што сите дале изјави. Во конкретниот случај мојот брат бил во едно кафуле во центар и излегол за да влезе во такси за да оди дома кога полицијата безмислосно го зема и притвори и покрај тоа што е мирен. До кога невините луѓе ќе ја трпат немилоста од оваа власт која уништува се пред себе? Ќе превземе ли некој нешто да ги спаси овие деца на возраст од 24 години кои се таму без никаква вина, прашува таа.
