На улицата „Железничка“ во Штип, утрово во 3:00 часот полициски службеници од СВР Штип го лишиле од слобода 27-годишниот Д.И. од Штип, поради тоа што забележале дека фрлил сомнителен пакет од патничкото возило кое го управувал.
Во пакетот, кој го пронашле полициските службеници, имало марихуана и бела грутчеста материја.
Тој бил приведен во полициска станица и по целосно документирање на случајот против него ќе биде поднесен соодветен поднесок.