19-годишен жител на Штип вчера бил уапсен откако полицијата утврдила дека тој два дена по ред, со неговиот автомобил „Ауди“ доаѓал пред продавница во градот каде се собирале луѓе и пукал во воздух со пиштол.
„На 03.06.2021 полициски службеници од Полициската станица Штип го лишиле од слобода Е.А.(19) од Штип затоа што во два наврати, на 02.06. и 03.06.2021 пред продавница на ул.„Черења“ во Штип, каде била насобрана поголема група на граѓани, од неговото патничко моторно возило „ауди“од огнено оружје испукал неколку куршуми“, соопшти полицијата.
Во врска со инцидентот на службен разговор се повикани повеќе лица, а запознаен бил и Јавен обвинител и се работи на целосно комплетирање на случајот, по што против Е.А. ќе биде поднесена соодветна кривична пријава, додаваат од СВР Штип.