На подрачјето на Кисела Вода, полициски службеници го уапсија Б.С.(55) од Скопје поради сомнение дека со пиштол пукаше кон неговата 48-годишна сопруга, им се закануваше на нивните три ќерки на возраст од 26, 24 и 18 години, а една од нив и физички ја нападна.
„Според пријавеното, на 1.3.2026, по претходна расправија во домот, тој од пиштол испукал еден куршум кој завршил во прозорецот, по што отишол кај 24 и 18-годишната ќерка, им се заканувал и физички ја нападнал 24-годишната ќерка. Како што е пријавено, тој насилното однесување го повторил околу 22.30 часот на 5.3.2026, при што повторно со пиштол се заканувал на сопругата, но бил спречемн од ќерките да не го употреби“, извести МВР.
Б.С. е задржан во полициска станица и по целосно документирање на случајот против него ќе биде поднесена соодветна пријава.