Полицијата извести дека денеска на улица „107“ во Тетово, полициски службеници го уапсиле Е.Б.(31) од тетовското село Слатино.
Тој бил осуден на казна затвор од шест години за сторени кривични дела „тешка кражба“, „разбојништво“, „уцена“, „загрозување на сигурноста при вршење семејно насилство“ и „загрозување на безбедноста во сообраќајот“, а бил баран по потерница врз основа на наредба од Казнено – поправната установа Затвор „Идризово“ поради бегство од установата.
– Лицето е спроведено во Казнено – поправната установа затвор „Идризово“ за доиздржување на две години и шест месеци од казната, велат од полицијата.