Тутунарите кои денеска го предаваа тутунот во Прилепскиот монопол изразија задоволство од откупната цена постигната за оваа година и од субвенциите од 60 денари обезбедени од Владата. Просечната цена за откуп на тутунот во земјава во моментов изнесува 188,5 денари, но на денешната средба со лидерот на ВМРО-ДПМНЕ Никола Груевски дел од тутунарите рекоа дека постигнале цена од 196 денари и оти очекуваат таа да достигне и над 200 денари.
– Многу е подобро од пред 10 години, рече еден прилепски тутунар изразувајќи задоволство од постигнатата цена и од условите за откуп особено во последниве години.
Цената е одлична годинава, оцени уште еден од прилепските тутунари, додавајќи дека оваа година и Комбинатот ја зголемил сумата за два до три денари.
На минатите избори, истакна Груевски, кажавме дека фирмата „Филип Морис“ влегува во Македонија и еве го резултатот.
