Трудовиот инспекторат денеска извршил контроли за пушење во општина Тетово, каде градоначалничка е Теута Арифи, потпретседателката на ДУИ. Тројцата инспектори без да се најават влегле во канцеларијата на секретарката на општината.
Теута Арифи јавно кажа деке не се согласува со процесот на десороизација и важеше за една од тие кои се противат на коалиција со ВМРО-ДПМНЕ. Од општината со став дека немаат против никаква инспекција која работи согласно законот.
Најава за инспекциска посета добиле и од општина Чаир, каде градоначалник е Изет Меџити, исто како и Арифи, потпретседател на партијата на Али Ахмети.
Претходно финансиска полиција беше и во општина Гостивар каде градоначалник е третиот потпретседател на ДУИ, Невзат Бејта, кој јавно кажа дека не постои Албанец кој сака да коалицира со Никола Груевски.
Имињата на тројцата потпретседатели се спомнуваа дека викендов го посетиле седиштето на СДСМ, на средба со Зоран Заев.