МВР извести дека вчера во 12 часот во полициската станица во Кратово е пријавено дека на магистралниот пат А-2 крај кратовското село Страцин, на место викано „Поповски рид“ возило „фолксваген поло“ управувано од Б.С.(59) од кратовското село Туралево, излетало од коловозот.
Во несреќата со тешки телесни повреди се здобила неговата сопатничка Х.А.(33) од Кратово, а со телесни повреди се здобил возачот на возилото и малолетна сопатничка од Кратово, констатирани во Градската општа болница Куманово.
Извршен бил увид од увидна екипа од ОВР Кратово.