Тројца повредени, меѓу кои и еден малолетник, е билансот од тепачката што се случила меѓу две групи во автобусот број 22 на Јавното сообраќајно претпријатие – Скопје.
Инцидентот се случил во петокот околу 12:30 часот, на крстосницата на булеварот „Партизански одреди” и улицата „Никола Парапунов”, пред мостот „Обединети Нации” во скопски Карпош.
Повредените се пренесени во Градската општа болница „8-ми септември”.
На местото на инцидентот е реагирано од полицијата, при што се уапсени повеќе лица. Оттаму велат дека се работи на расчистување на случајот.