Тројца осомничени за злоупотреби и фалсификувања при регистрација на автомобили во Скопје

Од:

Тројца се осомничени за злоупотреби и фалсификувања при регистрација на автомобили во Скопје, информираат од Обвинителството.

dobivaj vesti na viber

„Основното јавно обвинителство Скопје донесе Наредба за спроведување истражна постапка против три лица, од кои првиот е осомничен за продолжено кривично дело – Злоупотреба на службена положба и овластување од член 353 став 3 во врска со став 1 од Кривичниот законик, додека другите двајца за продолжени кривични дела – Фалсификување исправа од член 378, како и за поттикнување на првоосомничениот да изврши злоупотреба на службената положба.

Во периодот од јули 2020 година до мај 2021 година, првоосомничениот како службено лице – референт во МВР – ОУР Скопје, поттикнат од другите двајца, ја искористил својата службена положба и овластување и со умисла извршил повеќе временски поврзани дејствија што претставуваат повеќекратно остварување на истото дело. Со тоа на осомничените им остварил значителна имотна корист од 174.052 евра.

Вториот и третиот осомничен, во наведениот период, поднесувале фалсификувани документи за регистрација на луксузни автомобили на кои им било извршено прикривање и промена на оригиналните идентификациски броеви. Првиот осомничен, без да ги направи неопходните проверки на целокупната документација, им овозможувал да ги регистрираат возилата и потоа да ги препродадат на трети лица.

За тројцата осомничени, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор, бидејќи постои опасност да се дадат во бегство, да влијаат врз сведоци или да го повторат делото за кое се осомничени“, велат од Обвинителството.

Би можело да ве интересира

Приведен бегалец од затвор баран со потерница, осуден на казна затвор над десет години

Ана Ололовска

Претрес во гостиварско, приведен дилер

Ана Ололовска

Приведен дилер во центарот на Скопје

Ана Ололовска

Приведен криумчар на мигранти

Ана Ололовска

Приведен прилепчанец баран со потерница

Ана Ололовска

(ВИДЕО) МВР уапси Пакистанец кој убил 17-годишна девојка од Грција

Горан Наумовски