Три лица од Охрид се товарат за виновни за инцидентот со смртни последици што вчера се случи на улицата „Будва“ во охридската населба „Радојца Новичиќ“. Станува збор за Н.С. (79), З.С. (45) и Д.С. ( 24) сите од Охрид, против кои полицијата поднесе кривични пријави за сторено казнено дело „убиство“.
Според полициското соопштение, вчера попладнето околу 17:30 часот пред продавница на пресекот на улиците „Будва“ и „Радојца Новичиќ“ во Охрид, дошло до нарушување на јавниот ред и мир со тепачка, во кое од здобиените телесни повредни починал 58-годишниот С.Г. од Охрид.
До инцидентот со смртни последици дошло при физична пресметка на тројцата пријавени од една и починатиот С.Г. со неговиот син М.Г. (29) од другата страна.
Првично дошло до жестока вербална расправија помеѓу сега починатиот С.Г. и пријавениот Н.С. во која се вклучил и синот на сега починатиот. По кусо време на местото на настанот пристигнале и во тепачката се приклучиле пријавените З.С. и Д.С. кои физички го нападнале С.Г. нанесувајќи му фатални повреди на главата.
