Тројца од осомничените сè уште се вработени во Општина Карпош, еден од нив дал отказ

Од:

Тројца од раководителите во Општина Карпош, кои се на распит пред судија на претходна постапка, сè уште се вработени во Општина Карпош. Лицата Н.Н. во својство на помошник-раководител на секторот за финансиски прашања, С.М. во својство на раководител на одделението за норматива во правниот сектор и А.С. раководител на одделението за сметководство, обвинети за злоупотреба на службена должност сè уште работат на истите позиции. Само раководителот на секторот за јавни набавки, М.Д., сам дал отказ веднаш по доаѓањето на новото општинско раководство, велат за „Макфакс“ извори од општината.

Од кабинетот на градоначалникот Стефан Богоев велат дека веднаш штом добијат известување од судот, ќе постапат согласно со надлежностите. Односно, мерките што ќе ги преземат ќе зависат од одлуката на судот.

Финансиската полиција освен Јакимовски ги сомничи и вработените, а судија на претходна постапка треба да одлучи дали ќе има мерки на претпазливост. Лицата се осомничени во делот на три јавни набавки во Општина Карпош за време на мандатот на ексградоначалникот Стевчо Јакимовски. Станува збор за тендерите за општинските бараки и за плоштадот во Жданец.

Кристијан Ландов

Би можело да ве интересира

Јакимовски: Одлуката на судот е скандалозна, ќе поднесеме жалба до Апелација

Јакимовски воведува нов правилник и сет мерки за обезбедување поквалитетни градби

(ВИДЕО) Јакимовски: 700.000 жители на Скопје се заробеници на ЈП „Комунална хигиена“

Горан Наумовски

Јакимовски: Само една зграда во Општина Карпош е онака како што бара законот

(ВИДЕО) Килограм марихуана е пронајдена во стан во скопски Карпош

​Ѓорѓиевски: Градoначалниците на Карпош и Струмица ги каниме во понеделник на состанок во ЗЕЛС