Според последните информации добиени од министерството за надворешни работи на Јапонија, потврдено е присуство на тројца наши државјани на бродот кој е задржан близу Јокохама, Јапонија, стои во соопштението на Министерството за надворешни работи на Република Северна Македонија.
Причина за задржување на бродот е присуството на заразени лица од коронавирусот.
Досега се потврдени 20 лица кај кои е пронајден овој вирус.
Министерството за надворешни работи на Република Северна Македонија продолжува со редовното следење на состојбата во врска со ширењето на коронавирусот и мерките што се преземаат за негово сузбивање.
Граѓаните на Република Северна Македонија кои се наоѓаат во Јапонија, за подетални информации околу развојот на состојбите можат да се обратат во Амбасадата на Република Северна Македонија во Токио.