Судија на претходна постапка му одреди мерка притвор од 30 дена на лицето кај кое беа пронајдени околу три килограми марихуана при царинска проверка на скопскиот аеродром.
Основното јавно обвинителство Скопје попладнево соопшти дека против лицето кое имало двојно државјанство од Франција и од Косово е издадена наредба за спроведување на истражна постапка поради основано сомнение дека сторило кривично дело „неовластено производство и пуштање во промет наркотични дроги, психотропни супстанции и прекурсори“.
Марихуаната од 2,9 килограми била пронајдена во црна торба која осомничениот ја пријавил како личен багаж.