Три знамиња, македонско, албанско и турско се веат под прозорите на станот каде живее премиерот Никола Груевски, а граѓаните на протест уште еднаш побараа да ја напушти функцијата.
Барањата за оставка на “Граѓаните за Македонија“ се засилени со звукот на тенџериња по кои тропаат демонстрантите.
На мала сцена пред нив говорители потсетуваат на содржината од снимените разговори, а тапан удира по секоја поента. Граѓаните скандираат “Нема правда, нема мир“, додека на звучници се пуштени “бомбите“ кои докажуваат корупција.
