16 лица загинаа, а 37 завршија во тешки повреди во сообраќајната несреќа што на денешен ден пред три години се случи кај селото Ласкарци на патот Скопје-Тетово откако автобус на компанијата Дурмо Турс излета од патот пробивајќи ја заштитната ограда.
Неколку месеци по несреќата, во септември истата година во Основниот кривичен суд во Скопје почна судскиот процес во кој има шестмина обвинети, сопственикот на „Дурмо турс“, Дурмиш Белули, одговорниот за транспорт во фирмата, Ремзи Мифтари, и возачот на автобусот, Маноил Трифуновски, како и тројца вработени во станицата за технички преглед. Процесот уште трае.