Трајче Заев, близок роднина на премиерот Зоран Заев неколку дена е во фокусот на опозициската ВМРО-ДПМНЕ којa го прозва дека неговиот шофер бил уапсен во акцијата на МВР во која беше запеленета голема количина дрога.
Трачје Заев се огласи на социјалните мрежи и тврди дека комбето запленето во акцијата не е на фирма на Заеви, ниту пак некој од вработените во нивните компании е меѓу уапсените. Вели дека во моменот се наоѓа на службено патување во Обединетите Арапски Емирати.
„Два дена по ред следам како еден политички субјект исклучиво заради сопствени политички цели се обидува да го извалка моето име и името на компаниите во сопственост на Заеви. За да биде јасно на целата македонска јавност, а посебно да се знае за злонамерната цел на политичката партија вмро дпмне сакам да го објавам следното: Споменатото комбе од акцијата на МВР не е сопственост на фирма на Заеви. Ниеден од уапсените не е вработен во ниедна фирма на Заеви. Јас сум на службено патување од 23ти Март во Обединетите Арапски Емирати со цел проширување на работата на нашите компании, отварање на нови пазари за нашите домашни македонски производи и стекнување на нови партнери за соработка“ стои во објавата на Заев.