Актуелниот скопски градоначалник, Коце Трајановски денеска официјално ја објави својата кандидатура и ги објави приоритети за Скопје.
Трајановски верува во уште една изборна победа, а главна цел, во следниот мандат ќе му биде да продолжи да работи со исто темпо и да ги реши скопските сообраќајни проблеми.
„Сообраќајниот метеж ќе се решава со кружни текови. Овој град ќе добие и подземната сообраќајница од Владата до Комплексот банки. Скопје ќе добие модерен Луна Парк, а значително ќе се подобри и комуналната хигиена, сообраќајниот метеж во општините, а многу ќе и се посветиме на културата, спортот, образованието и социјалната заштита“, рече Трајановски.
Тој се обврза, дека на граѓаните на Скопје им го нуди она што навистина го заслужуваат.
