Трајановски и Тодоровиќ ќе градат кружни крстосници на Јужниот булевар

Од:

Град Скопје и општина Центар треба да изградат две кружни крстосници. Првата на вкрстувањето на Јужниот булевар со  булеварот „Климент Охридски“, а втората на крајот на булеварот „Кочо Рацин“ т.е. на подвозникот кон Црниче.

Кружните текови, како што истакна  кандидатот за градоначалник за Град Скопје од коалицијата „За подобра Македонија“ и ВМРО-ДПМНЕ, Коце Трајановски на денешната прес-конференција, ќе бидат на две нивоа.

– Сметаме дека со ова сообраќајно решение, со спуштен кружен булевар и со оној кој пред неколку дена го промовиравме, булеварското решение на подземната сообраќајница од мостот „Гоце Делчев“ до комплексот банки целосно ќе се растовари сообраќајот во Скопје за следните 40-50 години, рече Трајановски.

Овие проекти, како што појасни, ќе го чинат Град Скопје околу 4 милиони евра.

Според него, ова ќе значи почеток на реализацијата на Јужниот булевар или еден дел од него.

– Со турската компанија „Лимак“ потпишавме Меморандум за соработка со кој и се дава земјиштето каде што треба да биде Јужниот булевар, од булеварот „Кочо Рацин“ до булеварот „Св. Климент Охридски“ во должина од 800 метри. На „Лимак“ му се дозволи на земјиштето, над булеварот да изгради деловен објект, а булеварот да го спушти онака како што е предвидено по ГУП, 6 метри надолу, рече Трајановски.

Појасни дека сега се очекува турскиот инвеститор да го направи проектот за подземната соообраќајница, заедно со објектот за два месеца. – Веќе работиме на избор на проектант за овие две сообраќајници. Паралелно кога ќе биде изграден Јужниот булевар ние ќе мора да ги изградиме и овие две кружни крстосници, рече Трајановски.

Кандидатот за градоначалник за општина Центар Владимир Тодоровиќ изјави дека ова сообраќајно решение за скопјани е од голема важност.

Би можело да ве интересира

Путин со порака од изолација пред изборите: Граѓаните да ја покажат својата љубов кон татковината

А1он

Власта предлага во Србија на 3 април да се одржат редовни избори за претседател, за градот Белград и вонредни парламентарни избори

А1он

Кандидати на ВМРО-ДПМНЕ: Две жени и четворица мажи можни кандидати за градоначалници во скопски општини

Кристијан Ландов

Експратеникот Стојкоски можен кандидат за градоначалник на Ѓорче Петров од ВМРО-ДПМНЕ

ДКСК: Огласите за вработување непосредно пред Локалните избори не се во духот на доброто управување

А1он

ВИДЕО: Избрканата трудница, градоначалникот кој ја избрка и уште двајца од СДСМ кои сакаат да го „симнат“ – предизборие во Лозово

Leave a Comment

fourteen − 4 =