Поранешниот градоначалник на Град Скопје, Коце Трајановски на денешниот протест на ВМРО-ДПМНЕ пред министерството за правда изјави дека единствениот грев на приведените е тоа што си ја сакаат Македонија.
Тој кажа дека Македонија во последниве години е под тежок притисок.
– Лани „Шарената револуција“ финансирана од сомнителни извори демолираа јавни институции, го малтретираа народот, држеа говори на омараза. Сепак и покрај тоа ВМРО-ДПМНЕ победи на изборите, рече Трајановски.
Тој кажа дека со изборот на претседател на Собранието на Република Македонија била испровоцирана масата.
– Ја испровоцираа масата кога нелегално избраа претседател на Собранието, па сега апсат обични граѓани, акетери, режисери. Нивната вина е што ја сакаат Македонија, рече Трајановски.
Поранешниот градоначалник напомена дека првичното обвинение за учесниците од настаните од 27 април беше учество во толпа, па сега било променето во тероризам.
ВМРО-ДПМНЕ протестира против приведените за настаните од 27 април, кога во македонското Собрание беа нападните пратениците од владејачкото мнозинство.
Г.Н.Р.