Реализиравме голем број проекти во овие 2 мандати, докажавме дека ветеното може да се исполни, изјави пред своите сопартијци и членови на опозициската ВМРО-ДПМНЕ, Градоначалникот на Скопје, Коце Трајановски.
-Скопје беше град на мали стари булевари, метеж, нехигиена, недоволен број паркинзи и без зеленило, рече Трајановски.
Делата говорат за мојата транспарентност, секогаш сум отворен, за граѓаните, рече Градоначалникот на Скопје кој потсети на неколку проекти кои тој ги реализирал во изминатите 8 години како 28 километри булевари, 8 кружни текови, 3500 нови паркинг места и 320 нови автобуси со кои, како што кажа, го подобрил јавниот превоз.
На крајот од својот говор, Трајановски побара поддршка од граѓаните за него и за останатите кандидати градоначалници како би оствариле победа уште во првиот изборен круг.
-За овие вредни луѓе убеден сум дека по победата ќе ги засукаат ракавите и ќе ги направат своите општини подобри места за живеење, рече Трајановски.