Пратеничката Роза Топузова – Каревска вели дека не е изненадена од одлуката на Централниот одбор на ЛДП да ја разреши од функциите член на Извршен одбор и потпретседател на партијата.
Таа во изјава за А1он вели дека и покрај ваквата одлука, таа останува да биде опозиција во Собранието.
– Сосема легитимно е Централниот одбор да ги менува членовите на извршен одбор, а исто така и да ги разрешува. Тоа е според Статутот на партијата. Сепак според пишувањата во медиумите за мене, ваквата одлука не беше изненадување – изјави Топузова – Каревска.
На прашањето чии ставови ќе застапува во Собранието, со оглед на тоа што не ја испочува одлуката на опозицијата за бојкот на Собранието, а и матичната партија се огради од неа, таа вели дека останува да ја критикува власта.
– Јас веќе имав еден настап во Собранието, во кои некои медиуми оценија дека нема опозициски говор. Како и да е – јас останувам да бидам опозиција – вели Топузова – Каревска.
Петар Клинчарски
