Топлификација денеска преку соопштение информира дека заклучно до утре ќе ги исплати сите долгови кон Макпетрол за испорачаните енергенси до 30 ноември.
Во информацијата компанијата појаснува дека барањето на Макпетрол да се платат три милиони евра до утре се однесува на примени енергенси во периодот од 1 до 14 декември. Овој долг, како што истакнуваат од Топлификација, може да го исплатат до крајот на годината за што ќе преговараат со Макпетрол.
Вчера, Макпетрол најави дека ќе ја стопира испораката на гориво кон Топлификација доколку до утре таа не го исплати долгот, минимум три милиони евра. Според Макпетрол, до вчера долгот на Топлификација по основ на испорачан мазут и природен гас изнесуваше 191, 5 милиони денари.