Министерот за здравство, Никола Тодоров, останува засега на својата позиција во Владата по објавените информации дека неговата фотелја ќе ја преземе пратеникот од ВМРО-ДПМНЕ, Ромео Тренов кој си поднесе оставка од пратеничката функција. Тренов ќе биде назначен за директор на новооснованото Јавно претпријатие за сите водни стопанства на Македонија.
Во оставката до Собранието, која треба да биде констатирана на првата наредна седница, Тренов пишува дека се повлекува поради избор на друга функција. Оставката е поднесена до Собранието на 21 октомври.