Од 11,5 милиони евра за опрема што ќе се набавува за кампусот клиники „Мајка Тереза“ во Скопје, eден милион евра ќе бидат наменети за набавка на апарати за Клиниката за инфективни болести.
Ова го изјави вицепремиерот и министер за здравство Никола Тодоров, кој денеска беше во работна посета на Клиниката за инфективни болести каде се сретна со менаџментот на таа јавна здравствена установа. Особено значајно, посочи, е што тука ќе се набави нов мобилен рендген апарат.
– Со ова ќе се реши децениски проблем затоа што досега сите пациенти особено пациентите на интензивната нега кога имаа потреба од вакво снимање, а многу често има потреба од вакво снимање беа транспортирани од Инфективната клиника до Радиологија и назад. На тој начин се загрозува и пациентот, но и околината имајќи предвид дека станува збор за заразни болести, рече Тодоров.