Тирана ги осуди инцидентите врз автомобилот на Груевски

Од:

Албанското министерството ги осуди инцидентите кои се случија во Тирана за време на посетата на премиерот Никола Груевски, кога беа палени македонските знамињ и беа фрлани јајца кон автомобилот на македонскиот премиер.

Албанија се дистанцира и ги осудува инцидентите кои не придонесуваат за климата во меѓусебните односи, ниту пак за големата празнична атмосфера за одбележувањето на 100 години независност на албанската држава, стои во соопштението на албанското министерство.

Во соопштението стои и дека албанското МНР уверува дека надлежните органи работат на расветлување на инцидентите и дека сторителите ќе бидат изведени пред законот.

„Албанското МНР како и во минатото ќе продолжи да поттикнува добри меѓуетнички односи и почит кон симболите, историјата, јазикот и културата на сите држави од регионот во аспирациите кон Европа и интегрирање на целиот регион”, стои во писмената реакција.

Вчера македонското МНР упати остра осуда до албанските колеги, поради инцидентите кои се случија за време на посетата на премиерот Груевски на Тирана. Во министерството беше повикан на разговор албанскиот амбасадор во Скопје.

Би можело да ве интересира

Рама ги најави „дигиталните министри“ во Албанија

(ВИДЕО) „Бајрактар“ во Албанија сними намерно подметнување на пожар

Во Албанија е прогласена вонредна состојба поради пожари, туристите се евакуирани

Голем пожар, кој брзо се шири е регистриран во Националниот парк „Преспа“

Горан Наумовски

Три лица се повредени во пожар во Албанија, над 2.000 се евакуирани

Евростат: Албанија бележи најсилен пад на населението во Европа

А1он