Земјиштето во Љубаништа станува спорно-и МПЦ и министерството за култура посочуваат деке се наоѓа во нивна сопственост.
Владиката Тимотеј за НОВА изјави дека „нема намера ниту да дава, ниту да подарува земјиште, ниту пак дека некој го прашал за земјиштето“, додавајќи дека „не може власта, односно Министерството за култура да дава нешто што не е нивно“. Што се однесува до Субрата Рој, Владиката Тимотеј го карактеризира со зборовите- „тој е обичен мангуп“.
Министерството за култура пак тврди дека земјиштето каде е планиран хотелскиот комплекс на Субрата Рој „не е црковно, туку државно“ и оттука, Република Македонија се води како сопственик.
Жителите пак на Љубаништа, чии имоти треба да станат дел од замислениот комплекс на Индиецот најавуваат дека нема лесно да се откажат од своето земјиште за без пари, за да му се поклони на Субрата Рој.