Тетовската полиција поднела кривична пријава против Е.А.(21) од Тетово како осомничен дека е сторител на 13 тешки кражби во изминатите три месеци, информираше портпаролот на тетовската полиција Марјан Јосифовски.
Според неговите податоци, осомничениот ги сторил кривичните дела во март, април и мај годинава и тоа девет во патнички моторни возила, три во продавници и две на велосипеди.
– Во периодот за кој станува збор најчесто со кршење на стаклата Е.А. провалувал во моторните возила и одземал мобилни телефони, чанти, очила за сонце, парфеми и друго додека од продавниците одземал цигари и пари. Тој од претходно е познат на органите на редот како сторител на други криминални активности пред се во кражби и тешки кражби, рече Јосифовски.