Министерството за здравство информира дека тестот за коронавирус на претседателот на политичката партија СДСМ Зоран Заев е негативен.
Заев ќе остане во 14-дневна изолација, иако резултатите кои пристигнаа денеска попладне се негативни.
Тој заедно со претседателот на опозициската ВМРО-ДПМНЕ, Христијан Мицкоски, пред една недела имале контакти со уредникот на Канал 5, Гоце Михајлоски кој е позитивен на коронавирусот и се наоѓа во болницата „8 Септември“.
И за Мицкоски важи 14дневната изолација, кој исто така имаше негативен резултат на тестот за Ковид 19.