64-годишен скопјанец, кој работел како градежник, паднал од објект во Центар што го градел и се здобил со тешки повреди, соопшти полицијата.
„На 02.06.2021 во 15.30 часот во СВР Скопје било пријавено дека во Комплекс клиники „Мајка Тереза“ со тешки телесни повреди бил донесен Д.В.(64) од Скопје. Полициски службеници излегле на местото и извршиле разговор со Д.В., кој изјавил дека околу 15.00 часот, додека извршувал работни задачи на објект во изградба на подрачје на Центар, се лизнал и паднал од висина“, се вели во соопштението од МВР.
Увид на местото на настанот извршила екипа од СВР Скопје, а со настанот е запознаен трудов инспектор.