„Тепачка“ за сендвичи и маси во ресторани во Охрид, гужви и турканици по улиците, се спие и по плажи

Од:

Блокирани улици од гужви со возила, редови пред сендвичарите и пекарите, турканици за маса во рестораните и кафеаните. Ваква беше сликата во Охрид вчеравечер, кога освен хаосот на плажите денски, целосно беше блокиран и вечерта.

Низ булеварот „Туристичка“ па се до населбата „Рача“ која е на пат кон охридските плажи имаше постојан метеж. Кружните текови ги регулираше полиција за да ги намали чекањата и свирежите од метежот.

Во угостителските објекти, масите беа исполнети до последно столче. Пред нив, се создаваа редови и се чека да станат гостите, за да седат наредните и така се до после полноќ. Дури и местата кои вообичаено не се посетувани, вчера беа полни, а маса плус се вадеше и по тротоарите, за да може да собере што повеќе гости.

Долги редици се чекаа и за сендвичи, но и бели печива. Вработените во пекарите и сендвичарите едвај постигнуваа да ги услужат сите муштерии. Во редовите се чекаше без маски и со турканици, за побрзо да се дојде до нарачката.

Посетителите едвај се разминуваа во чаршијата и на кејот. Турканици меѓу нив, но ретко кој носеше и заштитна маска. Речиси сите заборавија на коронавирусот и живеат како пред пандемијата. Полицијата не реагираше, затоа што мерките за задолжително носење маска на отворено и забрането групирање беа укинати во јуни.

До крајот на продолжениот викенд, се очекува гужвите да останат. Бројните концерти, меѓу кои оние со реноминрани ѕвезди ги поттикнаа сите овие денови да дојдат во Охрид. Бијдеќи е тешко да се најде сместување поради целосната исполнетост, има и такви кои се одлучија да кампуваат и да спијат по плажи.

Би можело да ве интересира

Бочварски: Со анексот само се продолжува рокот за изградба на автопатот Кичево – Охрид, нема дополнителни трошоци

А1он

Во Охрид се промовира проектот „Една точка за услуги“

А1он

ВИДЕО: Охридските угостителски објекти останаа полупразни по новите ковид мерки

Кристијан Ландов

Влада: До крај на 2023 треба да завршат работите на автопатот Кичево – Охрид

А1он

Пешак загина во сообраќајка на стариот пат Охрид – Струга

А1он

Со графити нагрдена спомен-плочата пред паметникот посветен на жртвите во бродската несреќа на Охридското Езеро

А1он