Студент од Црна Гора физички е нападнат на Универзиетотот Еуро колеџ во Струга. Инцидентот се случил пред два дена во една од просториите на Универзитетот кој се наоѓа на населбата езерски лозја. Ова го потврдија и од охридската полиција.
Во инцидентот учествувале Тела Арби и Тела Сабри од Струга кои со удари од тупаници и нозе го нападнале црногорскиот студент Далибор Ликичевиќ. Инцидентот се случил во универзитетот каде студентот без посебна причина бил нападнат.
Тој е префрлен во струшката болница а двајцата напаѓачи се повикани на информативен разговор и поднесена е против нив прекршочна пријава, изјавија од охридската полиција.
Ова не е прв инцидент на Еуро колеџот во Струга.
