Најниски температури утрово во земјава се измерени во Берово, минус четири степени, во Битола минус два и минус еден степен во Струмица и во Демир Капија.
Како што соопшти УХМР, термометарот нула степени покажа во Скопје кај Петровец, Тетово, Штип, Прилеп, Крива Паланка, еден степен во Куманово, Гевгелија, Дебар и Маврови Анови, два во Скопје на Зајчев Рид, Лазарополе и Претор. Следат Охрид, Виница и Крушево со три степени, четири во Дојран, пет во Попова Шапка.
Во текот на ноќта и утрово преовладуваше малку до умерено облачно време, со појава на слаба магла по одделни котлини.
Времето денеска ќе биде сончево со мала до умерена облачност. Максималната температура ќе достигне од 12 до 17 степени. Во Скопје сончево со мала до умерена облачност. Максималната температура ќе достигне 14 степени.
